Полицијата во Јужна Африка започна потрага по убијците на девет илегални рудари кои се каменувани до смрт во западниот дел од Јоханесбург.
Телата на деветте рудари од Лесото пронајдени се на улиците на Матолвил, додека едно лице со тешки повреди е пренесено во болница, пренесува БиБиСи.
Полицијата на сослушување привела 87 лица, но се уште работи на собирање информации.
– Го осудиваме овој варварски напад и ќе го превртиме секој камен како жителите на Матолвил и Рудпурт би биле безбедни, изјави комесарот на провинцијата Елијас Мавела и додаде дека полицијата настојува што побрзо да ги уапси виновниците на ова злосторство.
Во Јужна Африка работат илјадници илегални рудари, а често доаѓа до судири помеѓу ривалските групи.
Јужна Африка е земја со најголема стапка на насилство, само минатата година во просек дневно имало 68 убиства.
