Најмалку 47 лица загинаа во Индија откако преполн автобус се излизга од планински пат и падна во клисура, соопштуваат властите.
Како што е објавено, на лице место загинаа 45 лица, додека другите биле транспортирани во блиската болница.
Полицијата и Националната служба за спасување се на теренот и спроведуваат акција за спасување, објавија индиските медиуми.
„Операциите за спасување се во тек и сеуште не сме сигурни за вистинската причина за несреќата”, изјави еден полицаец.
Според информациите обезбедени од страна на полицијата, околу 50 лица патувале со автобусот, а неговиот капацитет изнесувал 28 лица.
Неименуван официјален претставник изјавил дека возачот на автобусот ја загубил контролата поради дождливите услови на многу тесниот пат.
