Ливерпул не успеа да ја прекини доминацијата на Реал Мадрид во Лигата на шампионите и со 3-1 го загуби финалето на „Олимпико“ во Киев. Момците на Клоп започнаа одлично, но кон средината на првиот дел следуваше шок, откако незгодна повреда заработи првата ѕвезда Мохамед Салах и предвреме го заврши големото финале.
Првичните информации велат дека Салах нема да може да ѝ помогне на својата селекција на претстојното Светско првенство во Русија, но не мисли и така најдобриот египетски фудбалер во последните години.
„Тешка ноќ за мене, но јас сум борец. И покрај предвидувањата јас сум убеден дека ќе бидам во Русија и ќе го направам мојот народ горд. Вашата љубов и вашата поддршка ми ја даваат силата која ми треба“, напиша асот на Ливерпул на Твитер.
Салах по еден дуел со Рамос незгодно падна и се здоби со повреда на рамото, по што не можеше да го доигра мечот и на негово место влезе Адам Лалана.
gol.mk
