Спорт

Македонија со победа против Кипар го заврши настапот на Дејвис куп

Македонија со победа против Кипар го заврши настапот на Дејвис куп

Тениската Дејвис куп репрезентација на Македонија со победа го заврши настапот годинава во рамките на ова натпреварување во Третата Европска зона. Денеска во Пловдив Македонија го совлада Кипар со 2-0, а мечот во двојки не се одигра.

Победите ги донесоа Горазд Србљак, кој со 2-0 во сетови (6:1 и 6:2 во гемови) го победи Николас Кембел, додека Димитар Грабул кој успеа да спаси и меч топка беше подобар од Мемелаос Ефстатоу со 2-1 во сетови. Македонија настапот го заврши со три победи (Исланд, Албанија и Кипар), а загубија само од домаќинот Бугарија.

Македонија на овој турнир настапи без најдобро рангираниот тенисер Томислав Јотовски, кој не играше поради повреда.