Петре Шилегов има договор за хонорарни советодавни, консултатнтски услуги со Петре Шилегов и за тоа си наплаќа 50 илјади денари месечно или околу 10 илјади евра на годишно ниво. И тоа со години, истакна денеска на прес-конференција опозицискиот портпарол, Наум Стоилковски.
Тој рече дека овој т.н. договор е судир на интереси како влез во корупција и криминал, го констатира и Државната комисија за спречување на корупцијата и му наредува на Шилегов да го раскине договорот сам со себе.
– Едноставно, почитувани, постои документ во ДКСК со кој се констатира судир на интереси за односите на Петре со Шилегов. Значи по неколку години консултации сам со себе, на Шилегов не му проработува чесноста, туку е фатен во судир на интереси. Документот од ДКСК е со датум од 1 декември, одлука по предмет од 22 мај, за судир на интереси во односот на Петре со Шилегов. Ова е јавно достапен документ на интернет страницата на ДКСК.
Ова фактички е повторување на делото од Шилегов, бидејќи во 2015-тата година, за соработка со својата компанија е констатиран судир на интереси од ДКСК, за сега тој повторно да работи со договор сам со себе како градоначалник од 2017-та година.
-Одлична консултација сам со себе – повтори го делото – за хонорар од 50.000 денари месечно. Адвокатот Петре Шилегов е познат по својата работа на стопанското право. Судирот на интереси е основа, стартна позиција за корупција и криминал, и тој тоа го знае. Петре Шилегов, градоначалникот треба сам да одговори, што е резултат на овој судир на интереси и дали и колку тоа го чини Градот Скопје? Шилегов мора да одговори веднаш за што се делени тие 10.000 евра годишно? Колку тие за 50.000 денари месечно за Шилегов до Шилегов се поврзани со работењето на Град Скопје, но и со раководењето со ЗЕЛС и поврзаноста со другите општини во Македонија? Дали можеби тие консултации се поврзани со работата на јавните претпријатија финансирани од Град Скопје, имаат ли врска консултациите со распишаните тендери од Град Скопје и од ЈП под Град Скопје или пак под другите општини во Македонија?
Стоилковски дедаде дека поранешниот член на Второстепената комисија за жалби по јавни набавки мора да имал силен мотив за повторување на договорот со конфликт на интереси, и тоа веднаш штом доаѓа на чело на Град Скопје.
-Заради посветеноста на Шилегов на консултантството и кон очигледната примарна страст – стопанското право – Скопје е запустено, граѓаните се излажани, нема исполнето ниедно ветување, нема зиплајн, ниту гасификација, ниту чист воздух, ниту чиста околина, ниту пари има за спортот или пак за помош за деца за следење на наставата“, изјави Стоилковски.
