Се подигнува монтажна болница со капацитет до 130 болнички кревети до Клиниката за инфективни болести и фебрилни состојби, објави министерот за здравство Венко Филипче на „Фејсбук“.
Со оваа болница клиниката се штити од преоптовареност, а како што вели се дава можност на медицинскиот персонал соодветно да ги распореди сопствените ресурси во борбата за превенција и заштита на населението од коронавирус.
Тоја напиша дека деновиве се спроведе вистинска акција со големи човечки напори и одлична меѓуинституционална соработка и упати голема благодарност до сите што учествуваа во овој процес!
Со помош на Армијата и нејзината механизација, екипите на ЈП „Улици и патишта“ и инженерите од Проектната единица при Министерството за здравство во рекорден рок го подготвија теренот и овозможија пристап до Клиниката за инфективни болести и фебрилни состојби за брзо справување со коронавирусот, наведе министерот Филипче.
