Легендарниот британски пејач Сер Том Џонс е пренесен во болница поради бактериска инфекција, а сите негови концерти во Британија се откажани.
Како што пренесува Ројтерс, 78 годишниот Џонс, им се извинил преку Твитер на своите обожаватели.
-Сер Том Џонс има бактериска инфекција поради која прима лекарска помош. За неговата состојба добро се грижат и се надеваме на брзо закрепнување. Многу е разочаран и жали што не е во можност да настапува, е наведено во соопштението на неговиот Твитер профил.
