Еден грчки полицаец вечерва е тешко повреден за време на конфликтот во Атина со демонстрантите, кои излегле на улица за да изразат протест против полициското насилство.
До конфликтот дошло во атинската населба Неа Смирни, а полицаецот бил погоден со факел или камен во вратот, поради што неговите колеги формирале круг околу него за да го заштитат додека не дошла Брза помош и го однела во болница, пренесува „Катимерини“.
#antireport #ΝεαΣμυρνη Atina bu akşam.. pic.twitter.com/asZVvmG8AL
— PARTİZAN Yunanistan (@partizanGreece) March 9, 2021
Според државната телевизија „ЕРТ“, напаѓачите со качулки фрлале молотови коктели кон полицијата, која одговорила со солзавец.
Полицијата пронашла ранец полн со молотови коктели и факли.
Μάχες σώμα με σώμα#Νεα_Σμυρνη #antireport pic.twitter.com/37RJMw8rOc
— Human Wannabe (@human_wannabe_) March 9, 2021
Неколку паркирани автомобили биле оштетени, а на социјалните мрежи можат да се видат и запалени контејнери.
Претходно, околу 5000 лица се собрале на главниот плоштад во Неа Смирни, каде за време на викендот почнала пресметка со полицијата.
