По вчерашните состаноци, студентите од околу 25 факултети од цела Грција решија од денеска па се до 17 ноември просториите на факултетите да бидат под опсада и да не се одржуваат предавања
Одлуката доаѓа по последните случувања во дворот на Економскиот факултет во Атина каде што упадна полицијата, но и во рамките на студентските активности против последните промени во законите за образование кои ги изгласа грчкиот Парламент. Според информациите во Грција, затворени ќе бидат околу 15 факултети во Атина и неколку во останатите грчки градови.
#Greece
Several university departments are occupied by the students from today till Sunday, in protest against the abolition of the academic asylum and for the celebration of 17th of November.
Scenes from the city of #Patras during a student protest, last night. pic.twitter.com/VjBxdLobpG— th1an1 (@th1an1) November 13, 2019
Студентите во изминатиот период одржаа и низа демонстрации против промените во постдипломските студии, против изедначување на дипломите од приватните колеџи со оние од Универзитетите, но и против укинатиот студентски имунитет, а за утре напладне, закажаа нов протест во центарот на Атина.
Инцидентот и судирот меѓу полицијата и група млади лица што во понеделникот се случи во дворот на Економскиот факултет во Атина, беше причина и за остри критики, обвинувања и конфронтација меѓу владата и опозицијата во Грција, но и реакција од студентите.
Thousands of students took to the streets in Greece against police and state repression, after riot police violently entered the Athens University of Economics and Business to crack down on student activists. pic.twitter.com/X1v3ITF3Z0
— redfish (@redfishstream) November 12, 2019
Последните случувања во Грција предизвикуваат загриженост, со оглед на тоа дека се на само неколку дена од годишнината од студентскиот бунт против хунтата, што секоја година на 17 ноември се одбележува со протест кон амбасадата на САД во Атина, а доста често завршува со инциденти.
