Шест бели ковчези се поставени пред црква во Босна и Херцеговина каде граѓаните се простуваат од шестмината тинејџери кои настрадаа загушени од гас во викенд куќа.
Иван Миличевиќ, Стипе Ромиќ, Шана Павковиќ, Миа Солдо, Стипе Павковиќ и Марија Павковиќ, кои починаа на новогодишната ноќ ќе бидат погребани денеска пред црквата Свети Јован Крстител на Ракитно.
Во црквата започнаа погребните обреди и молитви, а заедничката миса е предводена од епископот мостарски и дувањски и апостолскиот администратор на Требиње и Мркањ, Петар Палиќ.
Ковчезите со телата на жртвите се изложени пред црквата.
Вчера беа погребани Мирела Резо и Стјепан Јукиќ.
