Сакам да бидам јасен: никакви нелегални влегувања во Грција нема да бидат толерирани, ја зголемуваме нашата гранична безбедност, напиша на „Твитер“ грчкиот премиер Кирјакос Мицотакис за обидот бегалци и мигранти од Турција, преку Еврос, да влезат во Грција и додава дека земјата нема да ги трпи последиците од одлуките донесени од други, јави дописничката на МИА од Атина.
Significant numbers of migrants and refugees have gathered in large groups at the Greek-Turkish land border and have attempted to enter the country illegally. I want to be clear: no illegal entries into Greece will be tolerated. We are increasing our border security.
— Prime Minister GR (@PrimeministerGR) February 28, 2020
-Значителен број мигранти и бегалци во големи групи се собраа на грчко – турската копнена граница и се обидоа, нелегално, да влезат во земјата. Сакам да бидам јасен: никакви илегални влегувања во Грција нема да бидат толерирани, ја зголемуваме нашата гранична безбедност. Грција не сноси никаква одговорност за трагичните настани во Сирија и нема да ги трпи последиците од одлуките донесени од другите. За ситуацијата ја информирав Европската унија, напиша Мицотакис
Граничниот премин кај Еврос, од претпладнево е затворен, а според турските и грчките медиуми, од страна на Турција насобрани се мигранти и бегалци со намера да влезат во Грција.
