Премиерите на Грција и на Албанија, Кирјакос Мицотакис и Еди Рама, во телефонски разговор ги споделиле плановите за постепено укинување на рестриктивните мерки за справување на пандемијата на корона вирусот.
Како дел од олеснување на мерките, Мицотакис и Рама се осврнале на изнаоѓање начин и термин за нормализирање на сообраќајот меѓу двете земји.
Минатата недела Грција донесе одлука за продолжување до до 15 мај на привременото ограничување на сите авионски, железнички и патни поврзувања со Македонија и Албанија. Таа одлука, првично беше донесена на 15 март годинава.
