Околу 156 килограми мaрихуана биле пронајдени во петокот и саботата во областа на Оребиќ, Блато на Корчула и Млет, потврди хрватската полиција.
Дрогата била пронајдена по алармирање на граѓаните, а полицијата претпоставува дека е товар од поморската рута за криумчарење од Албанија или Црна Гора до Италија, која стигнала до хрватското крајбрежје.
-Марихуаната потекнува од Албанија и се претпоставува дека е превезувана со моторни чамци. Шверцерите на дрога, всушност, ги користат големи бранови и пловат за време на големо невреме за да ги избегнат радарите. Неретко дел од товарот паѓа или шверцерите го фрлаат во морето- објаснуваат од полицијата во Дубровник.
