Во хрватските градови Загреб, Карловац и Риека се одржаа протести против воведување на 5Г технологијата.
Во Загреб собирот се одржа на плоштадот „Бан Јелачиќ“ наречен „Стоп 5Г Хрватска“ и на него учествуваа десетици луѓе, меѓу кои и политичари од опозицискиот „Жив ѕид“.
Учесниците носеа транспаренти на кои пишуваше: „На ароганцијата не е место во владата“, „Непроверено, несигурно, непотребно“ и „Ние не го даваме нашето здравје за концесија“, а на собирот можеше да се чуе дека на некои места во Загреб е инсталирана 4Г и 5Г инфраструктура, што е спротивно на регулативата и дека нивото на зрачење е далеку повисоко отколку во ЕУ.
Демонстрантите во Ријека носеа транспаренти на кои пишуваше „Ние не сме експериментални зајаци“, „За здравје, а не за профит“ и носеа жолти балони со шкртнат знак 5Г.
Протест се одржа и во Карловац, во организација на иницијативата на граѓаните „Стоп 5Г“.
Инаку, на 25 јануари се одржуваат протести низ целиот свет против 5Г технологиите, на кои граѓаните бараат да се стопираат нивното воведување сè додека не бидат истражени долгорочни биолошки ефекти и штетните ефекти врз здравјето на луѓето.
