Според првите проценки, во областа Сисак, Петриња и Глина и Петриња, околу 1.000 станбени единици се оштетени во вчерашните земјотреси, а некои претрпеа и поголема штета.
Според „Вечерњи лист“, засега само еден објект е прогласен за неупотреблив, а семејството од Сисак е сместено кај роднини.
Сепак, во Петриња, голем број станови и згради добија т.н. жолта налепница, со кои објектите се прогласени за привремено неупотребливи се до подетални прегледи што треба да се извршат во наредните денови и до санирање на штетата. Станува збор за постари згради во центарот на Петриња.
За семејствата чии домови се привремено неупотребливи, државната канцеларија за реконструкција и домување обезбеди 23 стана во областа Сисак, Петриња и Глина.
За потсетување, од синоќа до утрово се забележани неколку помали земјотреси со епицентар во истата област. Најсилниот земјотрес од 2,8 степени според Рихтеровата скала е откриен во 1.20 часот, а последниот утрово во 7.05 часот бил 2,3 степени.
