Автомобил на криумчар во кој се превезувале 11 нелегални мигранти, излетал од патот во близина на грчкиот град Кавала при што животот го загубило едно, а повредени се четири лица, објавија локалните медиуми.
Според грчката новинска агенција АНА-МПА, возачот на автомобилот, наместо да запре на полициски сигнал, ја зголемил брзината, изгубил контрола над возилото кое излетало од патот и се превртело.
Починатиот и повредените биле пренесени во болница, а останатите се во одделот на граничната полиција во Неа Кавала.
