Денеска во Хрватска е Ден на жалост за жртвите од земјотресот што го погоди Сисак-Мославина и околните окрузи на 29 декември, однесе седум животи и предизвика голема материјална штета.
Во земјотресот со интензитет од 6,2 степени според Рихтеровата скала што во вторникот ја погоди областа Петриња, загинаа седум лица, а над 20 беа повредени. Материјалната штета е огромна, а реконструкцијата ќе трае со години. Според првични проценки, оштетени се над 2.000 објекти во Сисачко-Мославачката жупанија.
Денот на жалост се одбележува со задолжително истакнување на знамето на Република Хрватска на половина копје на сите згради во кои се наоѓаат државните органи и тела на единиците на локалната и регионалната самоуправа и зградите во кои се наоѓа или се врши дејноста на правните лица.
Забавни настани не можат да се одржуваат на Денот на жалост, а правните лица кои вршат телевизиски и радио активности треба да ги прилагодат своите програми на прославата на Денот на жалост, особено со емитување на програми кои по својата природа одговараат на одбележувањето на тој ден.
На седницата во средата, хрватската Влада го прогласи 2 јануари за Ден на жалост во Хрватска и отвори сметка за помош на жртвите. Досега се собрани околу 4.7 милиони евра, потврдија до Црвениот крст.
