Веста дека првиот човек на клубот „Морнар“ одлучил да донира два милиона евра за да помогне на Албанија, сепак не е вистина.
Се работи за лажна вест и овие наводи се демантирани, пренесуваат медиумите од Црна Гора.
– Ја разбирам маката и ситуацијата што им се случи на грашаните на Албанија и се сочувствувам со нив. Секако дека сакам да помогнам, но наведениот износ кој, од кои знае причини, се појави на друштвените мрежи, не е во моите можности, изјави Павичевиќ.
Претходно, на страницата на Инстаграм на „Баскетбол без граници“ е објавено дека претседателот на црногорскиот кошаркарски клуб Морнар, Ѓорѓије Павичевиќ донирал два милиона евра за помош на жртвите од земјотресот во Албанија.
Инаку Павичевиќ е познат како голем филантроп и хуманист. Минатиот месец тој изгради детско игралиште во градот Бар, Црна Гора.
