Бугарските пратеници се откажаа од платите за време на вонредната состјоба. На народните претставници и натаму ќе им се плаќа осигурувањето но додека не се укине вонредната состојба во земјата, прогласена на 13 март, целата нивна плата ќе биде префрлана на сметката на Министерството за здравство.
Одлуката беше донесена во парламентот, а освен за пратениците, оваа најнова мерка ќе важи и за министрите и нивните политички кабинети, како и за претседателите на државните и извршните агенции.
Идејата пратениците да го подаруваат своите плати наиде на широко одобрување меѓу останатите политички партии во земјата.
-Горд сум на оваа одлука, искоментира лидерот на „Волја“ Веселин Марешки, кој претходно денеска инсистираше пратеничката плата да се изедначи со минималната плата во земјата, што во моментов изнесува 610 лева (околу 320 евра).
Борис Јачев од „Обединети патриоти“, исто така, изрази задоволство од одлуката на коалициските партнери.
-Задовелен сум и горд што сум дел од овој парламент, рече тој од говорницата.
