Мора да дозволиме заедничката и споделената историјас да не обедини нас, граѓаните на двете земји – и Бугарите и Македонците – да го почувствуваме тоа. Затоа што ако Гоце Делчев го немаше, мораше да го измислиме за да не обединува. Бидејќи историјата е заедничка во еден минат регион, територијата на регионална Македонија, каде што живееле Македонци кои зборувале македонски. Имаше Бугари кои зборуваа бугарски. Живееле луѓе кои се чувствувале и Бугари и Македонци. И ова е апсолутно точно.
Ова го вели премиерот Зоран Заев во интервју за бугарската агенција БГНЕС во кое истакна дека двете земји, мора да бидат доволно паметни да ја искористат оваа заедничка приказна за да изградат мостови на пријателство.
–Затоа велиме дека Гоце Делчев е револуционер и за Бугарите и за Македонците, кои се бореа за слободата на Македонија, за регионот на Одрин и за сè. И ова е апсолутна реалност.
На констатација на БГНЕС дека нема проблем да се каже како се чувствуваал Гоце Делчев, премиерот со одговор:
–Така е. Ги имаме книгите и тие треба да се популаризираат, историчарите треба да го потврдат тоа и треба да го сториме сето ова на најдобар можен начин за да станеме уште подобри пријатели, да соработуваме уште повеќе. Да се создаде позитивна атмосфера за младите да го користат ова минато како отскочна даска за подобра иднина во наредниот период.
БГНЕС: Ако ве разбирам правилно, македонската држава сега е подготвена да ја отвори оваа страница и луѓето во Македонија да разберат што се случило?
Заев: Одредивме заедничка прослава за историски личности од средниот век од Цар Самоил назад – од Кирил и Методиј, од Климент и Наум, имаме протоколи. Верувам дека двете земји се подготвени да ги објават, затоа што мора да ги вклучиме во учебниците. Бидејќи новите генерации не ја знаат целата оваа реалност, таа мора да не обедини. И во северна Македонија и во Бугарија, ова влијае на луѓето на многу погрешен начин. Треба да го смениме тоа.
Ние веќе заменивме повеќе од 20 табли во земјата, каде што беше напишано „бугарски фашистички окупатор“.
Тоа не е така – Бугарија не е фашизам, Бугарија е наш пријател.
