Предвремени извори нема да има затоа што за тоа нема потреба, изјави премиерот Зоран Заев по изјавата на лидерот на ВМРО-ДПМНЕ, Христијан Мицковски, дека од Месчеината се гледаат две работи: Кинескиот ѕид и предвремените парламентарни избори.
– Не знам кој космонаут гледа од Месечина, ама предвремени избори нема да има, рече Заев.
Заев ги наброја општините од чии градоначалници е задоволен како работат, но рече дека сепак реакциите на народот ќе бидат пресудни дали тие повторно ќе бидат кандидирани на претстојните локални избори.
-Лично јас имам свои ставови. Ќе застанам зад неколку кандидати, Валандово, Богданци, Дојран, Конче, Кочани, Штип, Старо Нагоричани Крушево, Маврово Ростуше, Демир Капија, рече Заев.
Тој потенцираше дека е добро за сите важни прашања да има консензус меѓу партиите, но дека пописот е неопходен.
– Кај нас 20 години немаше попис. Ниту владата, ниту градоначалниците, ниту фирмите располагаат со податоците кои им се потребни. Пописот ќе се спроведе од 1 април до 21 април. Во лето никој никаде не прави попис. Во септември веќе се подготовките за локалните избори, а во октомври и ќе се одржат локалните избори, рече Заев.
