Поранешниот премиер Зоран Заев на Фејсбук им го честита Божик на православните верници со порака и фотографии од Водочкиот манастир „Свети Леонтиј“.
Секој може да се надрасне себеси и уште поопределено да дејствува за доброто на заедницата, за доброто на децата и родителите, за семејството, за себе и секако за доброто на нашата земја во којашто живееме, работиме, твориме, учиме.
Христовото раѓање потсетува на одговорноста пред којашто сме исправени, да стоиме искрено и храбро на страната на вистината, правдата, мирот и љубовта.
Затоа, на Божик секој нека го почувствува огнот на светлината и топлината, што водат кон радоста и солидарноста.
Христос се роди! – пишува во Божиќна честитка на Заев.
