Пресек на сработеното и остварените резултати по 100 дена од мандатот на Владата било тема на средбата на премиерот Зоран Заев со коалицискиот партнер, лидерот на ДУИ Али Ахмети. Средбата, како што напиша Заев на Фејсбук, се одржала во пресрет на денешниот состанок на широката владина коалиција.
После 100 дена од мандатот на Владата правиме пресек на сработеното и остварените резултати на централната власт и на парламентарното мнозинство. Имаме Влада на граѓаните, стабилна, бидејќи се потпира на здрави вредности, на грижа за другиот, на разбирање и поддршка во тешки моменти. Имаме Влада која е сериозно посветена на правната држава, на економијата и на справувањето со пандемијата, напиша Заев.
Тој додава дека во пресрет на денешниот состанок на широката владина коалиција му искажал благодарност на Ахмети за поддршката во процесот на преговори со Бугарија.
Во очи на денешниот состанок на широката владина коалиција, ми беше чест да му посакам добредојде во Владата на претседателот на ДУИ, Али Ахмети и да му искажам голема благодарност во мое лично име и во име на македонскиот народ за поддршката која ја дава во процесот на преговори меѓу Македонија и Бугарија, наведува Заев.
