Шести пат по ред во Тетово се организираат протести во знак на незадоволство од зголемувањето на цената на електричната енергија. Тетовчани со блокади на сообраќајот на градските улици и булевари од страна на иницијативата „Доста е“ го изразија својот револт од поскпувањето.
На три места од 18 часот членови на иницијативата и граѓани блокираа три крстосници-кружниот тек кај Монопол, кружниот тек на булеварите Илиден и Видео Смилевски-Бато (кон Гостивар) и кружниот тек кај стадионот. Блокадите траеја 45 минути.
Граѓаните бараат пониска цена на струјата за 46 отсто, укинување на регулаторната комисија, да се намали ДДВ од 18 на 5 отсто и да се формира независен арбитрарен орган кој ќе верификува квалитет на услуги и ги адресира поплаките на граѓаните од енергетските компании, посочија од организацискиот одбор.
