Во сабота во 17 часот во зградата на македонската влада ќе се сретнат лидерот на опозицијата Христијан Мицкоски и премиерот Зоран Заев, дознава „Алфа“ од извори во двете најголеми македонски партии.
За во 19.30 часот истиот ден се очекува да се случи средба и меѓу Мицкоски и лидерот на ДУИ Али Ахмети.
За оваа средба се уште нема точна локација.
Темата на двете средби треба да бидат деталите за формирањето на Техничката влада и кадровските решенија кои од 3 јануари ќе бидат дел од владата која ќе ја води државата до 12 април кога се закажани предвремени парламентарни избори.
