ВМРО-ДПМНЕ: Заев, СДСМ и Филипче здравствениот систем го доведоа до работ на провалија

Епидемијата ќе ескалира, а десетици животи секојдневно ќе згаснуваат заради неспособноста на Заев и Филипче.

На Заев и Филипче во прв план им се тендерите, а на здравјето на граѓаните не ни помислуваат, велат од ВМРО-ДПМНЕ преку соопштение.

Оттаму додаваат дека бројот на заразени од корона вирусот се движи кон 10 илјади, а бројката на починати кон 500.

КОВИД-19 само ја потврди, како што велат, неспособноста на Заев и СДСМ, како и на нивниот Филипче да менаџираат со здравствениот систем. Здравствениот систем го доведоа до работ на провалијата.

Заев, СДСМ и нивниот Филипче со системскиот поткуп на населението станаа кластер на корона.

Наместо дел од решението, станаа дел од проблемот. Наместо решенија и креирање здравствена политика се фрлија на политикантство кое е недозволиво.

Македонија ја направија црна точка во регионот и пошироко.

Не знаат дали ова е пик на првиот бран или втор бран. Не мислат како да се справат со кризата предизвикана од корона вирусот.

Мора да се стави крај на политикантството на СДСМ, се наведува во партиското соопштение.