Акт на непочитување и вистински скандал е што на свеченото положување на цвеќе пред споменикот на Гоце Делчев во Скопје не најде за сходно ниту еден пoвисок претставник на владата да се поклони и оддаде почит на великанот, се вели во соопштението на ВМРО-ДПМНЕ.
Жално е што тие кои што треба да го бранат делото и заслугите на Гоце Делчев во преговорите со источниот сосед не најдоа засходно да се поклонат пред неговиот споменик на Денот на револуционерната борба 23 октомври. Тоа покажува дека премиерот Зоран Заев, Радмила Шекеринска и Никола Димитров се статисти во процесот и немаат елементарна почит кон заслугите на револуционерното движење и херојот Гоце Делчев, стои во соопштението на партијата.
Имаме Влада, велат, која не ги почитува дејците кои дале живот за денешната слобода, државност и темелите врз кој што овие вредности почиваат.
Оттаму побараа објаснување какви обврски имале премиерот и бројните потпретседатели што не можеле да оддадат достојна почит на херојот Гоце Делчев.
Поврзани вести
Ристова Димова: СДСМ малтретира вработени во јавниот сектор што мислат поинаку од власта
ВМРО-ДПМНЕ: Заев и СДСМ сакаат да стават рака врз наплатата на акцизата за тутун, лекови, пиво и вино
