Кадарот Владо Бучковски не е никаков скриен ас на Заев во преговорите, туку очаен обид да се најде жртва кому ќе се препише поразот на политиките на премиерот во заминување Зоран Заев, реагираат од ВМРО-ДПМНЕ по назначувањето на Бучковски за специјален претставник на македонската Влада за Бугарија.
Оттаму сметаат дека назначувањето на Владо Бучковски е и потврда дека во СДСМ врие и на овој начин Заев преку доделување на функции се обидува да најде сојузници да ја зачува својата фотелја бидејќи, како што велат, со погубните политики не само што се доведува во прашање егзистенцијата на премиерското место туку и на претседателското во СДСМ.
Наместо замајување на јавноста со стари и истрошени кадри Заев треба да одговори за што точно тајно преговара со бугарската влада овој викенд и дали е се тргува со историјата, јазикот, македонското малцинство идентитетот, додаваат од партијата.
Од ВМРО-ДПМНЕ прашуваат: – Зошто Заев отфрли постигнување на национален консензус за ова прашање и зошто се плаши од национално единство во разговорите со Бугарија?
Поврзани вести
Ристова Димова: СДСМ малтретира вработени во јавниот сектор што мислат поинаку од власта
ВМРО-ДПМНЕ: Заев и СДСМ сакаат да стават рака врз наплатата на акцизата за тутун, лекови, пиво и вино
