ВМРО-ДПМНЕ: Народот спаси промена на придавката македонски, сега треба да ја спаси Македонија од Заев

Народот е на улиците низ цела Македонија да ја спречи распродажбата на идентитетот која ја подготвуваше сега веќе премиерот во заминување, Зоран Заев. Затоа Заев сега е очаен и нервозен бидејќи тој е осамен и изолиран политичар. Излегоа на виделина сите лаги на Заев исто како и криминалот и корупцијата на оваа власт, вели преку соопштение опозициската ДПМНЕ.

Според нив, Затоа Заев да ја спаси кариерата и да се спаси од одговорност во пазарџиски манир на тезга го стави идентитетот, јазикот, народот, историјата, па уште и го убедуваше народот дека е блиску до договор со Бугарија.

– Само очајни и корумпирани политичари може да речат дека е блиску до договор со некој кој ја оспорува придавката „македонски” , антифашистичките темели на државноста, јазикот и македонските херои, искажуваат преку соопштение од главната опозициска партија.

Народот спаси промена на придавката македонски, сега треба да ја спаси Македонија од Заев, потенцираат од партијата.

– Со Заев нема ниту ЕУ, а има рецесија. Готово е. Народот, јавноста, експертите, опозицијата, па дури и членовите на СДСМ се кренаа против Заев.Тоа значи дека за сите неуспеси на Македонија мора да биде казнет главниот виновник, Зоран Заев. Оставка на Заев, слобода на народот, завршуваат во соопштението од ВМРО-ДПМНЕ.