СДСМ паѓа. Власта е уплашена и затоа прибегнува кон притисоци, закани и шиканирања, ова денеска преку соопштение го истакнаа од ВМРО-ДПМНЕ.
–Заев е на пат да ја загрози и европската иднина на државата. Оваа влада нема капацитет да спроведе реформи, затоа и не се почнати преговори со ЕУ. Зоран Заев се што вети излажа. Вети метла, а по метлата се остана исто, само Тевдовски го нема. Граѓаните не видоа ништо позитивно со оваа власт. Земјоделците го фрлаат својот род, образованието е деградирано, здравството е уништено. Правниот систем е уништен, потенцираат од ВМРО-ДПМНЕ.
ВМРО-ДПМНЕ ќе предложи нов закон за СЈО кој е во склад со европското право и препораките на Европскиот суд на правдата.
–Правосудните институции не смеат да се користат за политичка пресметка. Одговорност за секоја злоупотреба ќе има. ВМРО-ДПМНЕ ќе ја врати правната држава и владеењето на правото. По победата на изборите од страна на ВМРО-ДПМНЕ ќе отпочне ослободувањето на Македонија од овој вистински режим, стои во партиското соопштение.
