ВМРО-ДПМНЕ ги повикува партиите да ги поддржат измените на Законот за средно образование

ВМРО-ДПМНЕ ги повикува сите парламентарни партии, да ги поддржат предлог измените на Законот за средно образование, кои ги доставија до Собранието, а се со цел да им се помогне на матурантите

„Матурантите изминатата година се соочија со големи проблеми, како неодржување на настава и скратени часови, во времетраење од 30 минути, сето тоа доведе до помал број на часови на настава и поголеми тешкотии на учениците за совладување на материјата.Со цел да им се помогне тие да продолжат со своето образование без дополнителни стресови, ние сметаме дека нивните барања да полагаат два предмети матура се оправдани“, се додава во партиското соопштение.

Оттаму посочуваат дека Обединетото Кралство, Ирска, Франција и Белгија, веќе го применија овој модел за намалување на бројот на предмети кои матурантите ќе ги полагаат.

„Бараме од сите партии, особено од власта да ги поддржи овие законски измени, бидејќи за иднината на државата се работи. Време е да се стават теснопартиските интереси на страна и да се поддржат измените во Законот за средно образование“, децидни се од ВМРО-ДПМНЕ.