ВМРО-ДПМНЕ: ЕУ јасно порача дека не сака да преговара со криминалното раководство на СДСМ

Со криминал и газење на правото сите врати на Република Македонија се затворени, велат од ВМРО-ДПМНЕ преку соопштение.

„СДСМ го излажа народот, ги погази националните интереси, потпиша капитулантски договор и на крај не добивме датум за преговори со ЕУ.

ЕУ јасно порача со ова криминално раководство на СДСМ не сака да преговара.“, смета партијата, додавајќи дека тие добро знаат дека СДСМ е единствената партија во Европа контролирана и водена од аболициран криминалец.

СДСМ, како што велат, од една страна го претвори судството во маша за политичка пресметка со неистомислениците, а од друга страна го користи за заштита на криминалот и корупцијата кои што ги генерира нивната власт.

„Во СДСМ владее паника. Свесни се за поразот кои им следува. Свесни дека по 12 април сите оние кои што се огрешиле пред законот ќе одговараат, а ќе одговараат и оние кои што се ставиле во заштита на истиот.“, се наведува во соопштението на партијата.

Граѓаните заслужуваат правда и правдина. Заслужуваат да се чувствуваа безбедно, а криминалците да се најдат зад решетки. По 12-ти април ќе започне обнова на Македонија и сите врати ќе и се отворат ширум. Бидејќи на 12-ти април граѓаните ќе порачаат Заев и СДСМ никогаш повеќе, заклучуваат од ВМРО-ДПМНЕ.