Бројот на инфицирани од корона вирусот е се поголем. Денес имаме алармантен податок 11 медицински лица се заразени. Ако се почитуваат протоколите и ако има доволно заштитна опрема, тогаш зошто толку многу медицински заболени и тоа само во Куманово, рече лидерот на ВМРО-ДПМНЕ, Христијан Мицкоски на гостувањето на емисијата Само интервју на телевизија Канал 5.
Суштината, вели тој, е како најбезболно да ја поминеме оваа работа со корона вирусот.
-Од кога апелираше градоначалникот на Куманово дека треба мерки, дека треба карантин. Па тоа не се случи. Тоа е нивни човек е и не го слушаат. Еве сега денеска излезе владата конечно и кажа дополнителни мерки, рече Мицкоски.
Тој наопемна дека веднаш по ширењето на вирусот на самиот почеток ВМРО-ДПМНЕ предложи карантин и посебни мерки за Куманово.
