Убиениот терорист, Кујтим Фејзулаи кој учествуваше во нападот во Виена каде загинаа пет лица, бил роден во Модлинг, Австија, а неговите родители се од тетовското село Челопек.
Австриската полиција преку Европол достави барање за соработка и информации околу овој случај и од страна на македонското МВР, а Секторот за меѓународна полициска соработка веднаш постапува.
Австрискиот министер за внатрешни работи, Карл Нехамер, го опиша напаѓачот како „исламистички терорист”, а бил вооружен со автоматска пушка, пиштол и мачета. Тој носел и лажен појас со експлозиви.
Фејулаи бил ослободен од затвор, условно на 5 декември минатата година, бидејќи, врз основа на неговата возраст, бил опфатен со поблаго законодавство предвидено за помлади престапници.
Тој има 20 години и претходно бил осудуван за тероризам.
Поврзани вести
Регионот масовно имунизира, македонските власти не откриваат кога ќе пристигне првата поголема пратка вакцини
Ковид-пациентите ги полнат болниците: Скопје и Прилеп водат по бројот на активни случаи
