Утрово гостин во емисијата „Утро со Златев“ беше универзитетскиот професор Александар Нацев. Со него се дискустираше на повеќе теми како: безбедноста, нашиот влез во НАТО, условите на Армијата на Македонија и слично.
– Се направи една перцепција дека кога ќе влеземе во НАТО се магично ќе се смени, но тоа воопшто не е така затоа што системот на колективна одбрана што го носи НАТО една работа, а индивидуалните системи кои ги носи секоја друга земја е друга работа, вели Нацев за Радио Лидер.
Според него условите во нашата армија не се на задоволително ниво.
– Кога британските структури дошле и ги виделе условите во Пепелиште и Криволак побарале веднаш сакале да си заминат, вели тој.
Условите кои ги има Армијата според него не доликуваат на нивото кое треба да бидат.
– Никој не смее да се пожали затоа што казните се високи. Вие тоа може да го видите преку масовниот одлив на војници. Јас знам многу војници, подофицери, па дури и офицери коишто си дадоа откази и отидоа да работат во приватни компании во Ирак и Авганистан, но голем дел од нив почнаа да возат камиони и да се занимаваат со други бизниси, завршува Нацев.
