Доста е веќе од неправди и измами, време е да се исправиме и да исправиме се!, вели во своето видео обраќање лидерот на ВМРО-ДПМНЕ и воедно кандидат за премиер Христијан Мицкоски.
Драги сограѓани, кои поради лошите политики на власта и лошата економска клима сте без работно место. Вам ви е најтешко и ве разбирам. Се обврзувам пред вас дека ќе стимулираме отварање на нови работни места на домашни инвеститори, но и ќе привлечеме странски и домашни инвестиции од над 4 милијарди евра, со цел да ја намалиме невработеноста под 10% – вели Мицкоски во своето обраќање.
Тој потенцира дека целта на неговата партија е да создадат услови во Македонија, за секој кој сака да работи, да има каде да се вработи, но и да има можност да отвори сам свој бизнис.
Нашата грижа ќе биде насочена и кон социјално ранливите групи, лицата со попреченост и многу други, кои не по своја волја не можат да заработат за себе, и државата е должна да се грижи за егзистенција. Создаваме за сите. Ова е време на одлуки. Исправи се Македонјо! Одбери обнова – повикува лидерот на ВМРО-ДПМНЕ Христијан Мицкоски.
