Македонија 29. јуни 2020. / 22:57

Сиљановска: Видете ја програмата на СДСМ во 2016 мртво слово на хартија нула, ништо не исполнија

Сиљановска: Видете ја програмата на СДСМ во 2016 мртво слово на хартија нула, ништо не исполнија

Три години на самрак на Македонија! Како во поглед на идентитетот и економијата, така и во поглед на моралот, напиша професорката Гордана Сиљановска Давкова која е носител на ВМРО-ДПМНЕ во ИЕ1 .

Видете ја програмата на СДСМ во 2016 и се ќе ви стане јасно. Мртво слово на хартија. Нула. Ништо не исполнија.

Воспоставија непрофесионална и партиска администрација. Откако ја партизираа, сега ветуваат нејзино кратење. Погодувате од каде ќе почнат? Од неистомислениците!

Денес неколку семејства, фамилии, управуваат со Македонија.

Економијата ни е на нула. Во нашата програма ветуваме нови работни места. На прави места прави луѓе. Најдобрите, а не последните да бидат примени. Правичната застапеност не значи некој со помал број поени да биде примен само затоа што е од друга етничка заедница.

Во Ирска само Шин Фејн, политичкото крило, можеше да влезе во парламентот, а не како кај нас, ги соблекоа униформите и добија се.

Ветуваме Обнова на Македонија! Воведуваме ред во безредието, закон во беззаконието!

Мора крај да се стави на ова!, напиша Сиљановска.