Во првиот момент имаме седум капацитети на располагање за државен карантин за болните од корона вирус. Очекувам во периодов поголем број хотелски капацитети и одмаралишта да бидат ставени на располагање, рече министерката за одбрана, Радмила Шекеринска на прес-конференција за состојбата со корона вирусот во земјава.
-Ќе ги користиме и државните капацитети, како што беше капацитетот во Демир Капија, на располагање во случај на големи бројки е и Пепелиште, без разлика што се работи за војнички услови, меѓутоа исто така сметаме и на неколку од одмаралишта и државни капацитети кои што во рок од еден до два дена ќе ги ставиме во потреба. Меѓутоа очекувам поголем број на хотелски и на одмаралишта да бидат ставени на располагање, рече Шекеринска.
Таа посочи дека не сакале да преземат вакви мерки, но бројката на наши граѓани кои што се враќаат во државата не е мала, а за жал и бројката на наши граѓани кои не ги почитуваат правилата на самоизолација е голема. Во ситуација кога не се почитуваат правилата државата мора да си ги заштити своите граѓани. потенцираше министерката за одбрана.
