Оваа 2020 беше тешка година за сите нас, но вие, нашите херои – здравствени работници заслужувате посебно внимание и почит, напиша денеска на Фејсбук, министерот за здравство Венко Филипче.
Десет месеци борба за спас на сечиј човечки живот. Десет месеци без одмор, во континуиран стрес грижејќи се за нашите и ваши семејства, пријатели, колеги. Вие најдобро знаете колку непроспиени ноќи сте имале, на колку пациенти им била потребна здравствена заштита, но и на колку повици за совет сте помогнале, додава Филипче.
Оваа 2020 беше тешка година за сите нас, но вие, нашите херои – здравствени работници заслужувате посебно внимание и…
Posted by Венко Филипче on Thursday, December 31, 2020
Тој апелира празниците да ги поминеме во кругот на најблиските, без групирање и со почитување на мерките.
– Со ова, ќе им помогнеме и на медицинските лица празниците да не ги поминат со зголемен интензитет на работа, туку колку што можат повеќе да одморат. Дел од нив ќе бидат дежурни и за време на празниците, Ве молам да им олесниме. Мои колеги и наши херои – Ви благодариме за целиот ваш хуман труд и професионалност! Ви благодариме што издржавте и покрај тоа што сте уморни. Вие сте нашата гордост и сила! Ви посакувам среќни новогодишни и божикни празници!, објави Филипче.
