На денешната прес-конференција потпретседателот на ВМРО-ДПМНЕ, Александар Николоски информираше дека добил тужба од премиерот Зоран Заев, поради негова изјава дадена во врска со случајот „Рекет“.
Николоски најави дека за оваа ситуација ќе бидат информирани и сите дипломати во државава.
–Во која држава се видело премиер да тужи потпретседател на најголема опозиција за политичка изјава. Нема таква држава. И на Борис Џонсон не му паѓа на памет да ги тужи тие чии изјави не му се допаѓаат. Денес решава Заев да ме тужи за клевета, рече Николоски.
