НИКОЛОСКИ ОБЈАВИ ДОКУМЕНТИ: СДСМ и ДУИ му овозможиле на бизнисмен кој работи против ЕУ и НАТО да заработи 200 милиони евра на брза лента!

Потпретседателот на ВМРО-ДПМНЕ, Александар Николоски, денеска го продолжи објавувањето на скандалот во кој на контроверзниот бизнисмен Миодраг Дака Давидовиќ, СДСМ и ДУИ му овозможуваат да создаде урбанистички хаос во Тетово и да заработи 200 милиони евра од тоа.

Николоски денеска објави и документи кои покажуваат дека целата „крими шема“ е направена на брза лента.

-КРИМИ КОАЛИЦИЈАТА СДСМ/ДУИ НА БРЗА ЛЕНТА ШТАНЦАЛА ДОЗВОЛИ ЗА 200 МИЛИОНИ ЕВРА ПРОФИТ НА КОНТРОВЕРЗЕН БИЗНИСМЕН

Во очекување на одговори на клучните прашања кои ги поставив во текот на вчерашниот ден околу изгласувањето на ДУП за просторот на поранешен ШИК Јелак Тетово, овој ДУП усвоен од крими коалицијата СДСМ/ДУИ ќе донесен заработка од неверојатни 200 милиони евра на инвеститорот, во прилог доставувам документи од кои се гледа дека се одело на брза лента.

Имено општина Тетово предводена од ДУИ поднесува барање за согласност за ДУП до Министерството за транспорт и врски на 21.02.2020г а Министерството предводено од СДСМ ја дава согласноста на 28.02.2020г.

Министерството предводено од СДСМ за само 7 дена одлучува дека е во ред планот со кој се предвидува урбана џунгла во Тетово од 230 000 метри квадратни од кои само станови се над 2 000 со 8 000 нови жители. Планот со кој се овозможува заработка од 200 милиони евра на инвеститорот се одобрува за само 7 дена, во услови кога граѓани по месец дена не може да извади обично уверение.

Кога ќе се направи споредба за што приложувам документ се гледа дека во претходниот план скоро и да не се предвидени згради а во овој кој се носи тоа е скоро пола, во претходниот не се предвидени деловни простории а во новиот тоа е скоро една четвртина. Очигледно мотивот е голем, слушнавме во објавените разговори во јавноста дека 300 000 евра биле исплатени, а на тоа доколку се заврши работата треба да се дадат уште 2 000 метри квадратни како и 2 милиони евра. Се поставува прашањето кај кого од СДСМ и ДУИ завршиле? Како и кој е бизнисменот што ги дава?

По мене клучно е пошироката јавност да знае дека Миодраг Дака Давидовиќ е контроверзен црногорски бизнисмен кој е еден од главните финансиери на политичките и општествени структури на Балканот кои се против евроатланската интеграција на целокупниот регион вклучително и Македонија. Целата негова бизнис кариера е поврзана со соработка со структури кои му овозможуваат добри профити кои потоа ги инвестира во подривање на аспирациите на земјите на Балканот за мир, соработка и интеграција во НАТО и ЕУ. Не случајно е еден од најконтроверзните ликови во Србија, во Босна и Херцеговина и во Црна Гора, соработник и пријател на најекстремните политички и верски кругови во овие земји, човек врз кој имаше обид и за атентат минатата година и човек кој не крие дека стои позади антидемократски и антизападни политики.

Дали се свесни СДСМ и ДУИ, дали се свесни Заев и Ахмети дека овозможуваат огромен бизнис од кој профитот ќе биде употребен против стратешката европска и евроатланска ориентација на Македонија?

Ако има консензус помеѓу клучните политички партии во Македонија за членство во ЕУ и НАТО како е возможно да се соработува со вакви контроверзни бизнисмени? Дали бизнис интересите се посилни од се?

И дали Заев и Ахмети се свесни дека парите заработени во ШИК Јелак Тетово ќе се користат во целиот регион против демократски избрани влади?

Ова се прашања на кои јавноста очекува одговор. – напиша Николоски.