Горан Момировски, новинарот кој го објави скандалот поврзан со генералниот секретар на Владата, Драги Рашковски, во изјава за „Економски Лидер“ вели дека со нетрпение ја чека тужбата против него, бидејќи тогаш ќе се отворат многу прашања поврзани за случајот.
– Иако се работи за класична јавна закана од страна на еден од најмоќните луѓе во владата за новинар, со нетрпение очекувам пред судот да разговараме за низа прашања поврзани со случајот но и на други контраверзни ситуации кои што допрва ќе стануваат актуелни.
За жал господинот Рашковски не разбира дека веќе ја загубил тужбата без разлика на исходот. – вели познатиот новинар Горан Момировски во изјава за „Економски Лидер“.
Инаку Рашковски, во коментар на неговиот фејсбук профил се закани дека ќе го тужи новинарот кој ја објави аудио бомбата во која се слуша како се мести тендер од 7 милиони евра за М-НАВ.
Освен новинарот, Рашковски се заканува и дека ќе го тужи човекот кој го снимал спорниот разговор кој беше објавен од порталот Експрес од новинарот Горан Момировски.
