Претседателот на ВМРО-ДПМНЕ, Христијан Мицкоски, објави скандал, кој покажува како премиерот Зоран Заев, тогаш како градоначалник на општина Струмица, отуѓува, односно продава државно земјиште, кое по повеќе спроведени постапки, завршува во рацете на неговиот брат Вице Заев, чија компанија денес таму гради згради, со цел зголемување на богатството.
-Ова е случај каде може многу јасно да се види како се прават бизниси во Струмица, по клучот на картелско и клановско поврзување и ползување на придобивките на функцијата дадена од граѓаните, рече Мицкоски.
-На 29.12.2014 година одржано е јавно наддавање за отуѓување на градежно земјиште во општина Струмица. Во тоа време градоначалник на општина Струмица е сега премиерот г-динот Зоран Заев. На аукцијата се јавува само еден понудувач, а тоа е лицето Сашко Брндевски, од Струмица, бизнис партнер во една од компаниите на братот на премиерот Зоран Заев, Вице Заев. На лицитацијата постигната е цена од 2300 денари за м2, а Парцелата со намена за изградба на објект за колективно домување е со вкупна површина од 18.462 м2. Пред издавање на одобрение за градење, општина Струмица во тоа време ќе повторам водена од Зоран Заев одобрува на продадената локација да се градат осум нови седумкатници, со вкупна бруто изградена површина од 52.850 м2, додаде Мицкоски во своето обраќање.
-Во февруари 2016 година, Зоран Заев на Сашко Брндевски му издава одобрение за градење за изградба на станбена зграда бр. 8. Во истиот месец во 2016 година, лицето Сашко Брндевски склучува договор за пренесување на право на градење на предметната парцела со правните лица ТОТАЛ ИНЖЕНЕРИНГ – сопственост на Вице Заев и АД Пелагонија Струмица во чиј управен одбор во тоа време пак е братучедот на Заев, Трајче Заев. Ќе потсетам дека Тотал ИНЖЕНЕРИНГ е истата фирма која беше во средиштето на аферата со камиони и превоз на јаглен, истакна претседателот на ВМРО-ДПМНЕ.
-Како надоместок за тоа што им отстапил право на градење, лицето Сашко Брндевски добило стан од само 40 м2. Значи еден стан за локација на која се гради зграда со нето површина 6.888 м2, профит над 1 милион евра за братот и братучедот на Зоран Заев. Потписници на овој документ се Вице Заев, Сашко Брндевски и управителот на АД Пелагонија Јанев, каде член на управен одбор во тоа време е братучедот на Зоран Заев, Трајче Заев. Ова отвора сомнеж дека бизнис партнерот на Заеви е само параванот, а потоа јасно се гледа дека зградите се градат токму од компанијата на братот на премиерот Зоран, Заев, Вице Заев, рече Мицкоски.
-Во месец март 2016 година, Зоран Заев носи решение за промена на инвеститор, каде што наместо Сашко Брндевски, нови инвеститори на станбената зграда се двете наведени фирми. Така да ова е документ каде јасно се гледа дека Зоран Заев, сега премиер, тогаш градоначалник на општина Струмица, се потпишува на решението каде стои фирмата на неговиот брат Вице Заев и фирмата каде неговиот прв братучед е член на Управен одбор. Ова е случај каде Зоран Заев продал земјиште на кое денес таму гради братот Вице Заев. Таму се градат згради, а личните заработки се огромни и се бројат во милиони евра, вели Мицковски.
Според Мицковски нејасно е тоа, како, токму братот и братучедот на премиерот ја добиле дозволата да градат на тоа место, дали ги искористил повластувањата на функцијата на Зоран Заев тогаш градоначалник на Струмица, дали тоа не е конфликт на интереси и целосен морална дисторзија.
Воено, Мицкоски, апелира, Јавното Обвинителството да испита дали се работи за постапка каде однапред се знае добитникот на парцелата? Под кои услови е отстапено правото на градење? Да го испита потеклото на парите на Брндевски околу 700 илјади евра кои се уплатени на сметката на општината.
