По силниот земјотрес во Албанија, во кој животите ги загубија најмалку 13 луѓе, лидерот на ВМРО-ДПМНЕ, Христијан Мицкоски, остварил телефонски разговор со албанскиот претседател, Илир Мета, при што изразил длабоко сочувство за настраданите.
Како што истакнува Мицкоски, Македонија и македонскиот народ знаат како е да се соочиш со вакви природни катастрофи и затоа во име на ВМРО-ДПМНЕ, но пред се како човек, Мицкоски изразува подготвеност за помош на секој потребен начин за што побрзо опоравување на повредените и надминување на последиците од разорниот земјотрес.
– И во ваквите тешки мигови кај човека го истакнуваат најсветлото, помагањето, солидарноста, хуманоста, затоа во овие моменти е потребна обединетост во една заедничка мисија, помош за семејствата на настраданите и повредените во оваа голема природна катастрофа.
Ваквите трагедии покажуваат дека е потребно надминување на разликите и дека е важно меѓусебното почитување – порачува Мицкоски.
