Досега се собрани над 10 илјади проблеми во рамките на акцијата разговори за Македонија, рече денеска претседателот на ВМРО-ДПМНЕ Христијан Мицкоски, кој во ресен продолжи со караванот „Разговори за обнова на Македонија“.
Ваквиот голем одзив покажува дека постои огромен интерес кај граѓаните, но и огромен број на проблем кои ги притискаат. Ние тие проблеми ќе ги разгледаме, но и ќе понудиме решенија. Народот мора да биде слушнат, но тоа не е доволно, мора и да се покаже дека се има решенија за проблемите, порача Мицкоски.
Лидерот на опозицијата нагласи дека во Ресен главен проблем е откупот на јаболката.
Земјоделците особено од овој крај се незадоволни бидејќи се чувствуваат со право изиграни од власта која им ветуваше откуп и субвенции кои никако не ги добиваат. Слична е сликата и со лозарите, и со оризопроизводителите. Во Ресен проблем е иселувањето на младите, не само на младите, лошата инфраструктура и немањето на иднина. Владата не покажува чувство за овие проблеми, но и покажува дека нема план. Затоа ние сме тука. Низ партнерски однос со граѓаните да градиме обнова на Македонија!, порача Мицкоски.
