Македонија 16. јануари 2019. / 10:07

Мицкоски: Кандидатот за претседател треба да биде честит, почитуван, семеен човек, кој ја сака Македонија

Мицкоски: Кандидатот за претседател треба да биде честит, почитуван, семеен човек, кој ја сака Македонија

Во вечерашното гостување на една телевизијa, претседателот на ВМРО-ДПМНЕ, Христијан Мицкоски посочи дека идниот кандидат за претседател од неговата партија треба пред се да ја сака, својата татковина Република Македонија.

Мицкоски образложи дека тој често го употребува зборот честит, што е многу важна карактерна особина кај човек лично кога би го прашале, кога тој би одлучувал за избор на претседателски кандидат.

-Знаете вие дека ВМРО-ДПМНЕ ќе има конвенција таа има 550 кандидати, луѓето кои што ќе се пријават на конкурсот ќе имаат можност својата програма да ја претстават пред членството. Но пред се мојот глас за да го заслужи претседателскиот кандидат треба да е честит, треба да е почитуван од средината, треба да е семеен човек, треба да е човек од збор, човек кому зборот му тежи, човек кому зборот му значи во животот. Односно тоа што ќе го вети тоа и го остварува. Човек кој што не манипулира, човек кој што не лаже и човек кој што си ја сака својата земја Република Македонија, нагласи Мицкоски.