Претседателот на ВМРО-ДПМНЕ Христијан Мицкоски оствари средба со вршителот на должност, помошник државен секретар на САД за Европа и Евроазија Филип Т. Рикер, соопштија од партијата.
Од ВМРО-ДПМНЕ соопштија дека на средбата се разговараше за потенцијалот за развој на меѓусебните односи, актуелната политичка состојба и реформските процеси важни за државата. Соговорниците ја истакнаа важноста за развој на македонско американското стратешко пријателство и поддршка на процесите важни за Република Македонија.
Претседателот на ВМРО-ДПМНЕ Христијан Мицкоски ги објасни деталите и аспектите на предлог законот за организирање на обвинителството кој го предлага ВМРО-ДПМНЕ и важноста за бескомпромисна борба против корупцијата и криминалот од секаков тип. Мицкоски на средбата ја изрази својата загриженост поради лошата економска и политичка состојба и ја нагласи потребата за засилени реформи во процесот на исполнување на стратешките приоритети на Република Македонија.
Претседателот Христијан Мицкоски ја потврди заложбата на ВМРО-ДПМНЕ за заедничка соработка и развој на македонско американските односи.
Поврзани вести
Ристова Димова: СДСМ малтретира вработени во јавниот сектор што мислат поинаку од власта
ВМРО-ДПМНЕ: Заев и СДСМ сакаат да стават рака врз наплатата на акцизата за тутун, лекови, пиво и вино
