Црногорскиот премиер Душко Марковиќ, му порача на неговиот македонски колега Зоран Заев дека не може да го вперува прстот кон Црна Гора за бегството на поранешниот македонски премиер, Никола Груевски.
– Обврската да се грижи да не побегне нејзиниот поранешен премиер ја имаше Македонија, а не Црна Гора. Заев треба да се позанимава со прашањето зошто навреме не била распишана потерницата за Груевски, изјави Марковиќ откако Заев наведе дека четири земји-пријатели, од кои три членки на НАТО, допуштиле да влезе и да мине на нивна територија.
Марковиќ додава дека Груевски низ Црна Гора минал на целосно законски начин, врз основа на личните документи кои ги имал.
