Македонија од производителот Фајзер ќе добие 800.000 вакцини против ковид-19, првите 5.850 вакцини ќе стигнат во февруари, а обезбедени се вакцини за цела 2021 година. Договорот бил дефинирана утрово во телефонски разговор на министерот за здравство Венко Филипче и висок претставник на компанијата производител на вакцини против ковид-19.
По првите 5.850 дози вакцини во февруари ќе следува пратка со поголема количина во март и во април, а динамиката за цела 2021 година дополнително ќе се утврди.
Земјава, како што соопшти Министерството за здравство, навремено почна со подготовките за вакцинација против ковид-19 и постојната функционална и одлично поставена здравствена инфраструктура каде досега се врши вакцинација за други болести, е подготвена за имунизација против корона.
Вакцината на Фајзер се чува во фрижидери на -70 степени целзиусови, а истите во нашата земја ќе пристигна месецов.
Регулаторните медицински агенции европската ЕМА и американската ФДА имаат дадено одобрение за вакцината на Фајзер.
