Еврокомесарот за проширување на ЕУ во интервју за виенски Стандард вели дека решението на спорот за името ќе има големо значење за целиот регион. Подготвен е и лично да го поддржи успешниот референдум.
Еврокомесарот се понудил на лице место во септември или октомври кога ќе има референдум да се заложи за договорот. Притоа и предупредува дека не би било добро референдумот да се врзува за вонредни избори. Хан верува дека референдумот ќе го добие потребното мнозинство но истовремено и признава дека не можат да се отфрлат сомнежите дали грчкиот парламент ќе го ратификува договорот.
Еврокомесарот е сигурен дека Македонија ќе добие зелено светло на самитот на ЕУ на 28 јуни а потоа на самитот на НАТО во јули и покана за членство во Алијансата.
